Hyundai Elantra a dal palo di luz kibra y ta bandona e sitio

Hato – Diasabra marduga polis a bay a ariba e caminda di Hato, pa un auto cu a dal un palo di luz.
Y manera a bira custumber e chauffeur a reverse e auto y bay direccion di rotonde di Hato.

E palo di luz a keda colga, paso e palo a kibra den dos. Polis a avisa Elmar.

Mientrastanto polis a haya informe cu e auto ta para na e rotonde di Hato y cu e chauffeur a baha y cana bay direccion zuid. A busca den vecindario pero no a logra haya e chauffeur.

Den casonan asina e chance ta grandi cu e chauffeur ta bou influencia. Polisnan a pidi pa takelwagen pa hiba e Hyundai warda.