Por a tuma nota cu den medionan di comunicacion y tambe riba social media cu e partido AVP ta treciendo rumornan falso cu Gobierno di Aruba ta yenando puestonan di director den departamentonan di Gobierno. Un biaha mas esaki ta mustra e forma baho cu partido AVP kier opera pa asina purba di tapa nan erornan.
E informacion cu ta sali for di partido AVP bisando cu un Director nobo a wordo nombra na AZV ta informacion incorecto. Den esaki, Gobierno di Aruba ta informa cu na e momento nan aki no tin ningun nombracion y tampoco tin vacatura habri na AZV. Hecho ta si cu Minister Dangui Oduber lo cuminsa e proceso pa busca un director nobo pa AZV y esaki lo bai na un manera transparente caminda tur esnan cu ta interesa por participa na e proceso di solicitud. E intencion ta pa dentro di poco cuminsa cu esaki.
Nos tin un gobierno serio y tur vacatura lo wordo yena door di e hende muher/homber corecto pa e funcion na un forma transparente.
Partido MEP ta pidi nos comunidad pa no bay tras di redashi di AVP caminda nan unico meta ta pa trece incertidumbre den pueblo y desacredita nos Gobierno.