Boksmento entre tres auto na Tanki Leendert

Tanki Leendert – Diadomingo marduga den algo pasa di 12:30 patruya di Noord ta topa cu un boksmento na Tanki Leendert.
Esaki tawata net na e crusada pasbou di Misa di Tanki Leendert.

Tawata tin tres auto envolvi, un Tercel, un Yaris y un Honda.
E Honda tawata para pa bay lora na su man robes, dado momento e ta sinti e impacto patras di su auto. Aki ta caminda cu e Tercel a dal su tras basta duro, pero su auto mes no a haya mucho daño.

Di dos boksmento, chauffuer di e Yaris biniendo di pariba lo no a pone atencion su dilanti y ta dal tras di e Tercel.

Polis a pidi presencia di ambulance na ultimo, paso un di esnan envolvi a cuminsa keha di dolor.