Parlamentartio Endy Croes a elabora riba e reunion publico di siman pasa unda a trata e Presupuesto Supletorio di 2017, esta placa cu AVP a malgasta den campaña cual no tabata presupuesta. Esaki a suma 130 miyon florin cu gobierno nobo di pais Aruba lo mester bay presta pa asina cumpli cu debenan pendiente. E Parlamentario ta elabora riba esaki bisando:
“Den un ‘nutshell’, esaki ta placa di entre otro APFA, AZV, SVB, ATA cu gobierno anterior a retene pero no a yega su destino final y a wordo malgasta den campaña.
Otro aspecto importante ta “leveranciersnan” cu tin alrededor di 33 miyon pa cobra y no tin placa pues falta di likidez. Pero un cos mester bisa pueblo cu e ayudo ta na caminda y Gabinete Wever Croes ta trahando duro unda pronto lo bay tin solucion pa tur e desaster cu AVP a laga atras”.
Parlamentario Croes ta bisa cu locual a hereda awe ta mucho mas grave cu por a anticipa. E gobierno anterior tabata goberna manipulando cu cifras creando percepcion y scenarionan artificial cual en realidad no ta existi. Y cu durante e tratamento di presupuesto ta varios cadaver nobo a wordo descubri entre otro esun di Serlimar.
“Un cadaver nobo cu a keda descubri na ultimo ora ta un otro manipulacion cu Serlimar. Kico gobierno di AVP tabata practica desde mei 2015 cu placa di empeladonan di Selimar? Gobierno tabata retene di tur e humilde empleadonan di Serlimar placa di etre otro AOV, Loonbelasting, AZV pero no tabata “draag af” e placa aki y a malusa esaki primordialmente den campaña unda consecuentemente a crea un otro buraco di 7.3 miyon.
E suma aki NO a wordo trata den e Presupuesto Supletorio via un Nota van Wijziging como cu a descubri e cadaver aki na ultimo ora”.
E Parlamentario a termina ta bisa cu Gabinete Wever-Croes un bes mas lo sa di maneha e situacion aki na un manera responsabel pa asina resolve un otro sorpresa y alabes bagamunderia di e gobierno saliente.