Diahuebs anochi Famous Diaz a bishita Klabér na su cas sin sa kiko el lo haña. Klabér a dune e potret lora den papel y el a keda masha contento cu e concepto. Famous Diaz no tabata presente na e Cena di Pasco di Brazil Taekwondo Stichting debi na otro compromisonan.
Na luna di November Klabér a haci un yamada na tur medio di prensa y a puntra kende tur ta desea di saca potret hunto cu e team di Train Hard Fight Smart y Famous Diaz a reacciona sin sa kiko tabata tin tras di e idea y awo a ricibi e potret riba aluminium. Un potret di bida cu pa semper lo keda den memoria di tur e muchanan di Brazil Taekwondo Stichting cu a bishita www.awemainta.com.
Famous Diaz a desea Klabér y e team di Brazil Taekwondo Stichting exito y a gradici nan pa a forma parti di e team cu a biaha pa Corsou pa e di 7 TK5 unda cu Aruba a logra gana e Copa di TK5.