Entrada hudicial den Ranchostraat, varios persona a keda deteni

Ranchostraat – Diasabra den oranan di anochi laat pa marduga, varios unidad di polis a reuni pa haci un entrada hudicial.

Den oranan di marduga un caravana di Team di Aresto, Rapid Response Team, unidad di K9, Patruya di polis y team di recherche a bay direccion di Rancho y den Ranchostraat nan a haci un entrada hudicial na un cas.

Na e momento ey tur hende lo tabata drumi den e cas y nan a wordo sorprendi cu e entrada hudicial aki. Varios persona a keda deteni y tambe durante e entrada hudicial autoridad a logra confisca varios articulo cu lo por wordo usa como prueba.