Despues di e historia tristo y lamentable di e criatura Rishandro awo tambe su ruman chikito Eugene, suceso cu a sacudi e fundeshi di nos existencia como nacion. Despues di a scucha e storia di tortura cruel, asina mes nan mirada y sonrisa a keda refleha bida. Nan bida corto y morto cruel HAMAS por ta en vano. E herida profundo cu e suceso aki a laga atras a cende e candela pa por yega na pasonan concreto cu por trece solucionnan real pa nos problemanan social cu a explota.
A rais di esaki, Minister Glenbert Croes a convoca un reunion urgente cu Departamento di Asuntonan Social, Casa Cuna, Voogdijraad, Bureau Sostene Mi, Fundacion pa Hende Muhe den Dificultad, Fundacion Guia Mi pa dentro di un siman presenta locual cu pa nan ta solucionnan a corto y largo plazo cu ta real, verdadero y sostenible.
Nos mester actua awo pa acapara y ‘turn around’ nos problemanan social pasobra si tapa wowo p’e realidad y bira sordo pa e gritonan di auxilio di nos comunidad, nos lo conoce un Pais den total degeneracion y esey Glenbert Croes como e Minister encarga kier cuminsa cu evita. Nos ta den un crisis social nacional y nos mester actua awo. Almanan inocente ta testimonio cruel di e tristo realidad aki.