Hooiberg – Diadomingo anochi algo pasa di 7’or, un accidente fuerte a sosode na Hooiberg.
Na yegada di polis mes ora nan ta pidi pa materiaalwagen, paso tin un cabayero di edad pega den su Van.
Tambe ta pidi pa manda ambulancenan, mirando cu tin varios heridos.
Den algun minuut ambulancenan y brandweer a yega na e sitio, pa cuminsa trata cu e heridonan y cuminsa na libera e chauffeur di e Van cu tawata grita di dolor.
E accidente a sosode momento cu e Kia Picanto color shinishi a bay pa drenta un caya di tera pa bay su cas. Chauffeur di e Van probablemente no a ripara cu e Kia a stop y ta dal duro patras di auto.
Den e Kia Picanto patras, tawata tin un dama sinta cu a haya golpi momento cu e Van a dal duro nan tras.
Brandweer den algun minuut a prepara su ekiponan y ta logra libera e cabayero di edad.
Chauffeur di e Kia a wordo controla na e sitio mes y tawata ok.
Dos Ambulance a sali direccion Hospitaal cu dos victima, un di e Kia y e otro ta e cabayero mes na stuur di e Van.
Automobilistanan fin di aña ta yegando ban pase great cu nos sernan stima, no ban causanan tristesa.
Sea atento ariba caretera!