Diadomingo ultimo, 5 di Novemeber, e Asociación Amigos de Colombia, mihor conoci como ASOCOL, a cuminsa cu nan proyecto pa asina restaura y embeyece nan Plaza situa dilanti di Price Smart, Plaza El Condor. E plaza ta un simbolo pa e comunidad Colombiano y ta wordo usa anualmente pa eventonan, especialmente rond di e tempo di pasco. E Directiva nobo di ASOCOL cu tin Moises Fernandez como presidente, ta pone hopi emphasis riba e plaza, como e ta e un lugar unda tur colombiano y latino por uni como un comunidad Latino na Aruba y traha riba desaroya y pusha pa dilanti e comunidad na Aruba.
E projecto aki ta uno cu a mira varios voluntario, personanan y companiana igual, participa pa asina por completa e prome fase di e proyecto. Incluso nos a hanja un tremendo ayudo di e Honorabel Consul di Colombia, Sra. Gnecco Pla, cu a presenta durante e limpiesa pa duna un man. Locual ta sigi awor ta e mantenson y embeyecimiento di e tereno, pa asina por tine limpi na tur momento, y tine disponibel pa diferent evento cultural y familiar cu ASOCOL kier organisa den futuro cercano. E directiva actual lo percura pa mantene e plaza limpi y organiza eventonan familiar/cultural, pa asina e comunidad por ta orgulloso di nan plaza. Actualmente tin un acuerdo cu un compania cu lo mantene e plaza como un sponsorship pa e asociacion, cu lo zorg pa e Plaza semper ta netji y limpi.
Nos kier agradeci tur e voluntarionan cu a participa durante evento cu a cuminsa mainta trempan riba un diadomingo. Nan tur a traha duro y a duna e directive un animo grandi pa sigi cu e bon trabou. Un danki grandi tambe ta bai pa e companianan cu a sponsor y yuda nos durante e evento;
Fertec N.V.
Eagle Sport Club
Coburg N.V.
Balashi Aruba
Deco Garden
Garcia Electrics
Party Express
Tony & Carmen Geerman
Consulado di Colombia na Aruba
E proximo evento pa ASOCOL lo ta e conocido “dia de las velitas” cu ta tuma lugar dia 7/8 di December. Keda pendiente pa mas informacion cu lo wordo publica den e siguiente luna.
Si bo ta interesa di haña mas informacion tocante ASOCOL of ta desea di bira miembro, por manda nos un message riba nos FaceBook page; ASOCOL Aruba, of manda nos un email na [email protected].