Rooi Bosal – Diadomingo atardi unidadnan di departamento di trafico a bay Rooi Bosal pa un auto cu a drenta un cas.
Na yegada berdad nan ta topa cu Nissan March, hinka den un cas.
Na prome instante mas cu claro emocionnan tawata halto, paso a papia tambe cu den e incidente un cacho di e cas lo a muri, pero a resulta cu ela sobrevivi.
Na e sitio polis a constata cu e chauffeur no tin rijbewijs y cu tawata siña core auto den compania di un otro persona.
Dado momento e damita aki lo a sintie comfortabel tras di e stuur y a hisa velocidad.
Pero kisas no tawata sa cu tin un bocht su dilanti y tampoco tin experiencia di core auto y tambe pa completa tur e drama aki, awa a yobe.
Aki ta caminda e ta perde control y ta drenta cu e auto den camber di un cas, caminda e auto ta dal e cama cu tawata tin hende ariba dje.
Den e impacto e persona ariba e cama wordo herida, pero no di gravedad y ambulance a controle na e sitio mes, mas tanto e persona a haya susto di su bida.
Awor mester bay construi e camber bek.