Rodger’s beach – Diadomingo atardi algo prome cu 6’or, un persona ta wak un cantidad di mas o menos 7 homber na altura di Rodgers beach.
Mes ora ta avisa autoridad.
Un patruya cu tawata cerca a bay unda e hombernan aki tawata, pa chek un ke otro.
Berdad ta yega y ta topa cu 7 homber, tur procedente di Colombia.
Citgo
Durante control a bin sali afo cu e grupo di Colombianonan aki, ta na Aruba y ta trahando den Citgo.
Polisnan a controla tur nan documentonan y tur tur cos tawata na ordo.
E grupo aki aparentemente ta na Aruba pa 30 dia, kiko ta nan job den Citgo ta, no ta conoci. Solamente sa cu nan ta traha pa Citgo.
Nan a bisa polis cu nan bay lama un rato y cu nan ta caminda pa drenta tereno Citgo bek.
Algun rato despues polisnan ta topa otro grupo mas grandi y tambe ta di Colombia y mesun cos, tur papel y pasportnan ta na ordo.
Pregunta
Un pregunta simpel y cu tur respet.
“Aki na Aruba no por a haya ni un tata di famia, cu ta cumpli cu e rekisitonan cu Citgo ta exigi ?
Tawata asina necesario pa manda busca hendenan di exterior pa haci e trabou of trabounan aki” ?