Windstraat – Diabierna anochi den careda di mas o menos 9’or y 25, ta drenta un informa cu den Windstraat, un auto cu lo a dal un baby.
Mesora varios unidad di polis y tambe ambulance ta wordo manda na e sitio.
Na yegada polis ta bin topa cu un famia y e tata tabata tin su yiu muher di 3 aña carga. Memey di caminda tabata tin un flatbed marca Chevrolet para, cual ta e auto cu a alcansa e mucha.
Segun e famia, den e un descuido e mucha a subi caminda, net na momento cu e flatbed tabata biniendo di pabou. E impacto tabata na e parti dilanti e pick up/flatbed y un pida unda e impacto tabata a kibra, segun e chauffeur, unda e pida a kibra ta, ta net unda e mucha lo a dal su cabes.
E criatura a haya basta rasca, un kap na frenta y tabata yora, e paramediconan na e sitio a bisa cu e ta mustra stabiel, pero pa motibo cu ta trata di un criatura chikito pa tur seguridad nan a trnsporte pa hospitaal.
Polis a tuma e auto den beslag pa asina por haci mas investigacion.