Vaticano
Una bes na Roma, e Cardinalnan ta pasa nan tempo den cambernan priva den Domus Marthae Sanctae, cu ta un hotel residencia na Vaticano cu facilidadnan gastronomico cu generalmente ta hospeda cleronan y bishitantenan laico. Segun tradicion, Cardinalnan ta wordo isola for di mundo pafo, incluyendo televishon, telefon computer y corant.
E Colegio Di Cardinalnan lo emiti te cu cuater voto den un solo dia pa e siguiente Papa, y ta rekeri un mayoria di dos tercer parti pa skohe un Pontifice. Despues di cada votacion, e carchinan ta ser kima y huma ta sali for di e chemene di e Kapel Sistino como señal pa e multitudnan cu ta warda na e Plaza di San Pedro.
E huma preto fumata nera na Italiano ta indica un voto inconcluso, mientras cu e huma blanco fumata bianca lo nifica cu un Papa nobo a wordo skohi. Si pasa tres dia sin cu un Papa ta wordo skohi, e voto por keda suspendi pa un dia pa duna e Cardinalnan tempo pa reflexiona prome cu e siguiente ronda di voto ta wordo emiti.
Pero e biaha aki e expertonan ta proyecta cu e siguiente decision por tuma mas tempo pa yega na un consenso.
Ken por participa
Tur 252 Cardinal Catolico por asisti. Pero solamente Cardinalnan bou di 80 aña por vota of ser selecta como e Pontifice nobo.
Tin algun favorito?
E posibel favorito ta varia for di secretario di Estado di Vaticano, Pietro Parolin, te cu reformista Luis Tagle di Filipinas y archiconservadornan manera Robert Sarah di Guinea.
