Tanki Leendert – Diadomingo marduga algo prome cu 12’or y mey a sosode un accidente entre 3 vehiculo ariba e caminda di Tanki Leendert.
Polis di Playa a wordo dirigi pa Tanki Leendert pa ta mas exacto pazuid di rotonde di Tanki Leendert, pa un accidente unda un auto a bay ranca locual ta parse un steunpaal.
Polis a yega y ta topa cu e tres autonan, un Hyundai suv, un Hyundai Getz y un Kia Sorento tur cu daño material.
Pariba di caminda tawata e Hyunda suv, cu e chauffeur sinta den dje ainda. Polis a acerca tur esnan envolvi. E chauffeur den e auto cu a ranca e steunpaal despues di un rato polis a usa e Alco-Sensor pa test e.
E chauffeur a tawata bebi y eyna e la wordo deteni, mientrastanto a yama un famia pa pone na altura di e incidente.
Na e sitio nos a papia cu un di e chauffeurnan envolvi, y e la conta nos cu e Hyundai Santa Fe lo a subi caminda sin pone atencion, causando cu e Kia Bayendo nort a dal contra dje y den e impacto a dal e Getz den su banda robes, pone e auto cara panort bek.
E chauffeur a wordo hiba warda di polis cu transportwagen.
