Arashi – Diahuebs atardi rond di 6’or alarma a wordo bati pa un turista cu lo haya problema den lama.
Polisnan cu a yega, mesora a drenta lama y debi cu un rubberboot lo a yega cu un sra Hulandes(53) cu no tawata reacciona. Agentenan lo a cuminsa cu CPR, wardando ambulance yega.
Na yegada di ambulance nan a sigui cu e CPR, pero envano e señora a fayece, dokter di polis Sra. Voskuil a constata morto.
Dado momento, polis ta haya informacion cu tin un otro señora tambe cu problema den lama. Polis a subi den rubberboot y a bay e sitio unda e dama tawata, e señora aki tampoco tawata reacciona.
Mesora Paramediconan a cuminsa traha cu e persona aki, y a logra haya pulso unda cu a rush cu ne direccion Hospitaal den estado critico.
Tres unidad di ambulance a presenta na Arashi pa duna asistencia.
Segun informacion na e sitio, e famia aki lo ta di vakantie aki na Aruba unda cu nan a bay snorkel y lo a confronta problema den lama.
