Oranjestad-Aruba
1-Lider di partido PPA den un conferencia di prensa ta duna di conoce cu diabierna dos siman pasa den tratamento di presupuesto fraccion di PPA a mustra su preocupacion riba full e desaroyo global cu tin actualmente, mas preocupante ta riba e ultimo expresionnan di presidente Donald Trump y e repercusion cu esaki por tin. Fraccion di PPA a haci diferente pregunta na minister di economia y ta gradici e contestanan , pero a keda di manda varios documentonan necesario y esaki no a ser manda ainda. Lider di fraccion di PPA Otmar Oduber ta kere ta importante pa atende cu e situacion miranto ya caba a avisa cu e efecto pa e islanan den caribe ta bay ta grandi.
AUD:
CG: Lider di fraccion di PPA Otmar Oduber
Awor mas cu nunca mester implementa BTW
2-Lamentablemente un biaha mas Aruba ta haya su mes cu un crisis mundial unda cu prijsnan ta bolbe subi cu porcentahenan halto for di diferente mercadonan cu Aruba ta importa y banda di tur esaki Aruba lo mester bay paga un BBO acumulativo cu ta haci un efecto hopi pisa den cada hogar. Lider di PPA Otmar Oduber ta indica cu awor mas cu nunca mester cana e caminda pa implementacion di un BTW.
AUD: 3:16
CG: Lider di fraccion di PPA Otmar Oduber
Fraccion di AVP y FUTURO a vota contra pa polis bira mas ekipa den nan funcion
3- Lider di fraccion PPA Otmar Oduber por a combersa cu famia di e hoben Aden Lanoy. Na mes momento ta kere cu ta importante pa no laga e caso di e hoben bay den doofpot. Ya caba a pasa dos luna cu e susedido aki a pasa y te ainda nada no a bin afo di e caso aki. Pesey mes ta kere fuertemente cu e caso aki muri e no por muri y mester mantene esaki bibo pa husticia prevalece pa tur ciudadano na Aruba. Na mes momento Lider di PPA ta lamenta cu na momento cu ta pone pa ekipa polis haya e materialnan necesario pa nan funcion y fraccion di AVP y FUTURO a vota contra di esaki.
AUD: 3:15
CG: Lider di fraccion di PPA Otmar Oduber
Ta duna espacio na ministerio publico pero situacionnan cu ta sosode rond di e investigacion ta muestra di ta trapa riba democracia di ciudadanonan di Pais Aruba
4-Ya caba a pasa dos luna cu e casi di Aden Lanoy a sosode y a pidi espacio pa haci investigacion, sinembargo te ainda no a ricibi ningun contesta riba kico ta e resultado di e investigacion. Ni e famia y tampoco parlamento no a haya ningun contesta. Tin indicacion cu los di loke ta e investigacion tin diferente scenarionan rond di e investigacion cu no ta cuadra.
