Oranjestad, Aruba – Guizza Maria Steenvoorde, e actual Miss Teen Aruba, ta laga su marca atrás, no solamente cu su bunitesa y gracia, sino tambe atraves di su poderoso mensahe di inclushon i empoderamento. Como un hoben cu autismo, e ta usa su plataforma pa mustra tur eyfo cu nan no ta nan so y cu nan diferencia ta haci nan unico y fuerte.
Guizza semper a sinti consuelo y coneccion riba e escenario. “E spotlight no ta solamente un luga pa presenta, sino un universo unda mi ta realmente sinti su mes na cas.” Ta unda e ta brasa su mes, probando cu autismo no ta un limitashon, sino un forza cu ta laga e bria.
“Para riba un escenario ta duna mi un sensashon di pertenecé,” Guizza ta compartí. “Ta unda mi ta sinti mi conectá, unda mi por expresá mi mes sin ningún barera. Mi ke mustra e hoben autista cu nan tambe por logra nan soño, sin importa e desafionan cu nan por a topa.”
Durante su reinado como Miss Teen Aruba, Guizza ta spera di crea mas consenshi autismo i promove aseptashon propio entre hubentud mundial. E ta aktivamente envolví den iniciativa cu ta promové inclushon i comprenshon, sigurando cu ningun hende NO ta sinti nan so pa motibu di nan diferensia.
Guizza tambe ta fundador di “Bo No Ta Bo So”, un organisashon dedica na defendé e resilensia di tur adolescente y mucha cu ta sinti nan diferente. Atraves di e iniciativa aki, e ta traha pa crea un comunidat di apoyo unda hubentud por brasa nan manera único di ta y desaroya confiansa den nan mes.
Guizza Maria su aspirashon ta pa studia ley, e kier ta e prome huez muher di mucha aki na Aruba. Su meta ta pa cambia ley pa proteha e derecho di mucha, pa garantisa un sosiedat mas husto y inclusivo. E caminda pa yega na esaki ta un estayo di speransa Semper enfocando y recordando otro cu tur limitación tin un solocion y cu tur por supera mayoría obstáculo y logra nan meta. “ Mi ta determina pa usa mi bos pa kibra e stereotipo y preuba cu autismo no ta defini un hende, sino cu e ta un parti di nan historia bunita i único”.
Mas Ku Un Escenario
Un concurso di bunitesa ta mas cu un escenario y un presentashon; e ta un plataforma pa resalta tema importante y crea cambio significativo. Pa Guizza, e certamen no ta solamente elegansia y competensia, sino un oportunidat pa amplifiká bosnan ku mester wordu tendí. Cu su titulo, e ta determina p ata un abogado pa inclushon, resilensia y empoderamento di hubentud cu ta sinti nan diferente. Su misión ta pa hasi uso di e escenario, pa haci un diferencia, probando cu bunitesa no ta solamente aparensia, sino e impacto ku un hende tin den mundu.
Miss Teen Universe ta tuma lugar dia 13 di April na Punta Cana, Santo Domingo.
