Recientemente Aruba Timeshare Association su miembronan a bini hunto den un encuentro cu dos entidad gubernamental hopi importante: Departamento di Infrastructura Publico (DIP) y Cuerpo Policial Aruba (KPA). Ambos representante di DIP y KPA a papia den detaye tocante ROPV y beleid di beach relata na hotelnan y operacionnan di companianan di waterspoet rond di nos isla.
E encuentro a inclui un lunch delicioso prepara p’e team culinario di La Cabana Beach Resort & Casino, sirbi n’e ballroom di e hotel pa medio di e tremendo team di Food & Beverage.
E sesion di informacion riba regulacionnan actual tin un relevancia grandi pa tur stakeholder, cu e meta pa brinda un experiencia di beach na nivel halto y di prome clase na tur bishitante y local, salbaguardiando e acceso na tur hende den nos comunidad.
E invitacion n’e encuentro tambe a keda extendi na Security Directors y Managers di e resortnan di timeshare. E encuentro a brinda conocemento valioso den loke ta e regulacionnan actual y ofrece un oportunidad pa esnan presente haci pregunta. Preguntanan a wordo manda di antemano y nan a wordo contesta detayadamente pa medio di e autoridadnan presente.
