E celebracion di dia di Himno y Bandera na Aruba Juniors ta cuminsa diadomingo awo y ta sigui diamars 18 di maart 2025. Diadomingo awo lo bay tin 5 wega di softball cuminsando pa 9:30 di mainta cu un clash entre Astros y Glovers campeonnan di 2024 y 2023 respectivamente. Un victoria pa Glovers lo haci e poole hopi intresante mirando cu cada team lo tin un wega gana y un perdi. E di dos wega cu ta programa pa 11 am lo ta entre Jani’s y Aruba Juniors sigui pa12:30 pm cu e wega entre Boomerang y Florsheim. E ultimo wega di diadomigo lo bay entre Tigers y Deco’s. Finalmente lo tin un wega amistoso cu lo cuminsa pa 4or y lo bay entre Old Timers y Bambino.
Diamars 18 di maart 2025 e celebracion ta continua cu actividad henter dia cuminsando 9:30 di mainta cu weganan di softball, 2or lo canta himno di Aruba sigui pa un reconocimento na Felix “Nene” Mateo. Pa 4or di atardi Robert Thiel lo basha piesa te 7or. Henter dia lo tin un mesa cu bendemento di cos dushi. Esaki lo ta bou encargo di Willeke Kok.
E weganan di softball di 18 di maart 2025 lo ta sumamante intresanta mirando cu e dia aki lo sali afo ken ta e teamnan cu ta clasifica pa e play-off. E schedule pa 18 di maart 2025 ta lo siguiente: 9:30 am Aruba Juniors vs Deco’s sigui pa 11or cu e wega entre Florsheim y Glovers. Pa 12:30 Tigers ta top Jani’s y finalmente e ultimo wega ora cu Boomerang loa enfrenta Astros.
Resultado di e prome siman ta como lo siguiente. E prome wega Tigers ta dal Aruba Juniors 16-6. Boomerang ta gana Glovers 7 pa 0. Despues Jani’s ta gana Deco’s 5-4 y den e ultimo wega Astros ta gana Flosheim 5 pa 4.
Si bo ta gusta ambiente y bon wega di softball ta na Aruba Juniors bo mester ta pa celebra nos dia nacional. Manera custumber nos bar y cushina lo ta bon surti. Nos ta warda bo na Club Aruba Juniors na Socotoro.
