E prome 20 permisonan di taxi bou di un proceso mas structura y transparente. For di comienso, e compromiso tabata pa sigura cu e reparticion di permisonan di taxi ta basa riba oportunidad igual pa tur ciudadano.
Den 2023, a cuminsa cu e inventarisacion di e aplicacionnan anterior, a bin resulta cu tin hende cu tin 20 aña ta warda pa contesta riba nan peticion. Cu e cambio den maneho di permiso, a introduci structura pa un sistema mas transparente por wordo implementa. Dunando asina un servicio cu e ciudadano merece.
E lista completo di esnan cu ta den pipeline pa ricibi permiso di taxi, categorisa segun zaaknummer, ta disponibel publicamente riba Publico.aw bou di e tab Permiso. E prome 20 permisonan a wordo otorga segun e principio di FIFO (First-In-First-Out), basa riba e fecha di aplicacion. Den e proceso Departamento di Transporte Publico (DTP) ta contacta e aplicante pa entrega nan documentacion pa verificacion.
Den e fase inicial aki, tur 20 persona cu a ricibi permiso ta hulpchauffeurs actual cu ta cumpli cu tur rekesito necesario. E cantidad extra di taxi ta basa riba e estudio di capacidad di carga unda a tene na cuenta cu e aumento di cantidad di cambernan di hotel extra na Aruba. Por mira e resultado di aumento di turista caba na con largo turista tin cu warda na airport pa por ricibi servicio di taxi. Ya caba a hisa e cantidad di asiento permisibel den vehiculo di taxi pa 7 asiento, e 7 ta sin conta e chauffeur. DTP ta encarga pa evalua e desaroyo di taxi pa adapta pa mehoracion den transcurso di tempo.
Pa mas informacion of cualkier pregunta por tuma contacto cu Departamento di Transporte Publico.
