Dia 8 di maart 2025, Soroptimist International Club Aruba (SICA) lo celebra Día Internacional di Muher cu un evento inspirativo, seccion creativo y oportunidad pa forma relacion y conecta cu otro. E evento lo tuma lugar desde 10:00 am te 2.00 pm y ta un oportunidad pa bishitantenan conecta, siña di otro y crece. Entrada ta gratis y tur hende ta bon bini. Tur fondo cu lo wordo recauda e dia aki lo wordo uza pa proyectonan pa concientisacion di mucha- y hende muher pa cu nan desoryo y crecemento personal.
Keynote Speakers
E dia aki ta nos lo bay tin tres keynote speakers dinamico cu lo compartí nan experiencia y historia pa inspira y motiva e hende muhe. Ta trata di Stephanie Croes, Cristina Tromp y Lisen Lalwani. Y nan presentacion ta enfoca riba empoderamento, crecemento personal y liderazgo.
Sesion Creativo di Neurogratics Arts
Na colaboracion cu e artisa Jo-ann Kock nos ta ofrece un seccion creativo di Neurogratics Arts, unda e participanten lo tin oportunidad pa descubri nan artista interno y expresa nan mes. E secion aki ta ofrece un oportunidad nobo riba proceso creativo y auto-expresion. E seccion ta na balor di awg 12.50, cual un parti lo ta wordo uza pa proyectonan di SICA.
Actuacion di studiantenan di Educampus
Un actuacion special di e studiantenan bou di direction di nan maestra Natusha Croes cu tin un Master in Performance lo ta parti di e programa. E proposito ta pa inspira generacion mas jong y motivanan nan pa realisá nan potencial den diferente area.
Stand Informativo
Durante e evento, lo tin diferente stand cu informacion di varios instansian. Esaki ta ofrece e oportunidad pa participantenan pa por conoce mas kico cada instancia ta haci y oportunidadnan pa crecemento personal y tambe iniciativa pa yuda e hende muhe den nan desaroyo profesional.
Oportunidad di Interactua cu Soroptimist International Club of Aruba
Un otro punto di e dia ta e oportunidad pa intecambia cu miembonan di Soroptimist International Club of Aruba. Esaki ta ofrece un plataforma pa hende muher pa comparti nan conocemento y experiencia y traha hunto na proyectonan cu ta fortalece e posicion di e hende muher na Aruba y mundialmente.
E lo ta un dia yena di inspiracion, pa netwerk y crecemento. Bin pa haya informacion nobo, haci contacto interesante y celebra un poderoso Dia di Hende Muhe, hunto cu otro hende muhe..
Fecha: 8 di maart 2025
Hora: 10:00 am – 2:00 pm
Lokal: EduCampus, Aruba
No perde oportunidad uniko aki!
