Plantenrust – Diabierna den oranan di atardi polis a bay poco pura Plantenrust, unda cu a sosode un accidente y lo tin un persona ariba suela benta.
Na yegada di polis e caso no tawata asina ey. Locual a sosode tawata cu dos auto a boks. Un habitante na stuur di un Audi a bay lora pa drenta su cura di cas, mientras cu un Nissan Versa pa un of otro motibo a bay pasa na su banda drechi.
Ey ta unda e boksmento a sosode y e Versa a bay dal drentando e cura di cas. Un hoben na stuur di e Versa a baha di e auto y cay sinta ariba caminda. Pues a pensa cu auto lo por a dal e, pero no tawata asina.
Paramediconan cu a yega a haci’e algun pregunta y despues a hink’e den ambulance, unda cu despues di algun rato a sali cu ne pa Hospitaal.
Polis di trafico tambe tawata presente.
