𝐑𝐞𝐝𝐮𝐜𝐜𝐢𝐨𝐧 𝐝𝐢 𝐜𝐚𝐝𝐚 𝐝𝐞𝐜𝐢𝐛𝐞𝐥 𝐭𝐚 𝐮𝐧 𝐬𝐭𝐚𝐩 𝐩𝐨𝐬𝐢𝐭𝐢𝐯𝐨 𝐝𝐞𝐧 𝐝𝐢𝐫𝐞𝐜𝐜𝐢𝐨𝐧 𝐝𝐢 𝐜𝐮𝐢𝐝𝐨 𝐝𝐢 𝐞 𝐨𝐢𝐝𝐨!

Weekend cu a caba di pasa, Aruba por a experencia su prome parada di Carnaval. Un parada dedica na creatividad y fantasia di nos muchanan.

Den cuadro di e conseho duna di parti Departamento di Salud Publico di Aruba
(DVG) pa cu cuido y proteccion di e oido. DVG por informa di a tuma nota di un
cambio den direccion positivo for di companianan di zonido den e parada di
diadomingo.

Den pasado e nivel di zonido den parada tawata marca rond di 115 db pa minuut, diadomingo por bisa cu mayoria compania di zonido den e parada a marca entre 90 cu 102db maximo na momento di a wordo midi. Apesar cu e conseho di DVG den su linea di maneho pa cu zonido ta menciona cu pa den parada ta conseha maximo 90db na un distancia di 10 meter, DVG ta mira cu companianan di zonido a haci esfuerso pa cuminsa reduci e db, nan a demostra di por y tambe kier uni na e causa pa yuda cuida e oido.

DVG conhuntamente cu demas stakeholder ta encurasha comunidad tambe pa sigui
bisti nan earplugs. Reduccion di e decibel so no ta sufiente, ta rekeri tambe accion di
doño di curpa pa bisti su earplug y pa mayornan percura cu nan muchanan tin nan
earplugsnan bisti na eventonan musical.

Di parti DVG nos ta gradici companianan di zonido y nan tecniconan pa a cuminsa
cu reduccion di e zonido y ta encurasha nan pa sigui haci esaki na tur parada te ora
nos logra e meta di 90db maximo.
Tur cambio ta tuma tempo, pero cu stapnan chikito y boluntad grandi nos por logra un maneho di zonido saludabel, agradabel y sigur pa un y tur.

Pa keda semper bon informa:
✅Like nos Facebook page Directie Volksgezondheid DVG Aruba
✅Follow nos riba Instagram directie_volksgezondheid_aruba
✅Subi nos website www.dvg.aw
✅Yama nos na 5224200
✅Mail nos na [email protected]

#DVGAruba