Branch lo cera temporalmente pa renobacion
Oranjestad, 23 januari 2025 – Diahuebs, 16 di januari 2025, ELMAR a organisa su prome Town Hall
Meeting na Teresita Center na San Nicolas. Durante e encuentro, e gerencia di ELMAR a comparti
informacion tocante e renobacion binidero di e sucursal di ELMAR na San Nicolas y cambionan
importante cu ta forma parti di esaki.
E renobacion ta enfoca riba dos meta principal:
– Mehora e experiencia di e cliente den e sucursal di ELMAR
– Preparacion di e oficina pa relansa e departamento tecnico pa asisti cu trabounan p’ariba di
brug
Entrante diabierna, 21 di februari 2025, e sucursal lo cera temporalmente pa publico pa permiti pa
cuminsa e trabounan di renobacion.
Durante e periodo di renobacion, cliente por ricibi servicio:
– Pago di factura na MFA San Nicolas y Savaneta
– Pago di factura na WEB Balashi
– Tur servicio na ELMAR Oranjestad of Hato
– Servicio di peticion pa instala meter via Contact Center na 523-7100
– Customer Service via email na [email protected]
– Pago online
– Online Bill Payments
– Pay.Aw app
– Standing orders
ELMAR ta sigui traha riba mas solucion cu lo wordo anuncia pronto.
Manera ta conoci, antes ELMAR tabata tin un departamento tecnico postula na su oficina na San
Nicolas encarga cu trabounan p’ariba di brug. E vision y meta di ELMAR ta pa relansa e iniciativa aki
bek, pa es motibo e trabou di renobacion di e oficina ta necesario pa prepara esaki pa trabou
tecnico.
Durante e encuentro, e gerencia a comparti detayenan riba e renobacion y contesta preguntanan di
e bishitantenan tocante esaki y demas inquitud. E comunidad di San Nicolas a demostra un bon bini
caluroso y un interes grandi den e proyectonan. ELMAR ta compromete pa continua inverti den e
comunidad di San Nicolas, cu enfoke riba mehora y desaroyo pa beneficio di tur hende.
Un invitacion cordial ta bay na esnan cu no por a bin e prome Town Hall Meeting pa asisti diamars,
11 di februari 2025 na e di dos Town Hall Meetging cual lo tuma luga na Teresita Center pa 7:00
PM.
