Na prome luga Fundacion Zinnia kier gradici “Fundacion Anti Droga Aruba” F.A.D.A p’e
8 añanan di trabou, cooperacion y colaboracion, cu e meta pa haci un cambio fundamental
den pensamento, actitud y consciencia di nos comunidad.
Di henter famia y directiva di Fundacion Zinnia, e creador original di e concepto “Didi”, nos
ta desea FADA tur cos bon cu nan trabounan y hopi exito cu nan futuro proyectonan, cu
sigur ta beneficia nos comunidad.
Aña 2025 Fundacion Zinnia ta conmemora su di 10 aniversario, unda cu a inicia su entrada na
comunidad di Aruba cu su prome video di conscientisacion titula: “Didi”, ilustrando varios
hende cu e mensahe clave, pa ta consciente y haci uzo di nan amigo: “Didi”.
Den e decada tras di lomba Fundacion Zinnia ta wak atras cu a cumpli cu nan compromiso
sincero y determina cu e comunidad di Aruba, unda Fundacion Zinnia kier keda crea
conscientisacion, pa preveni incidente lamentabel y doloroso, door di core auto bou di
influencia di alcohol.
Fundacion Zinnia ta gradici enormemente nos comunidad completo, cu a y ta sostene e
campaña “#AmigoDiDi” den transcurso di e 8 añanan. Ta bon pa recorda cu Fundacion Zinnia
no ta djis un fundacion mas, pero a nace for di amor, emocion, dolor y tristesa di un famia y
amistad, cu a perde Zinnia den un accidente fatal, causa pa un chauffeur cu tabata core auto
bou di influencia di alcohol.
Aña 2025 Fundacion Zinnia y FADA di forma arbitrario a dicidi di no ta hunto mas.
Sinembargo Fundacion Zinnia ta keda y tin tur e derecho legal di por sigui cu e campaña di
conscientisacion “AmigoDidi” y ta sigui solido cu su mision: No core auto bou di influencia di
alcohol. Fundacion Zinnia un planificacion annual solido, cu lo enfoca riba tres punto di e
statuto di e fundacion:
1. Keda conscientisa nos chauffeurnan pa no maneha auto bou di influencia di alcohol
2. Tuma iniciativa y forma parti pa mehora y empodera nos leynan, proceso y sistema
huridico relaciona cu coremento di auto bou di influencia;
3. Sostene famia cu a perde un ser keri na un manera inespera.
Nos ta haci un apelacion na henter nos comunidad pa join nos movecion y asina honra Zinnia
su memoria y hunto ban sigui comparti e mensahe na Aruba completo, pa nos bira mas
responsabel y tuma e accion di no maneha auto bou di influencia.
Na final di dia semper loke uno haci ta keda un decision, cu por cambia bo bida y di otro pa
semper.
Mail: [email protected]
Tlf : +2975941082
#FundacionZinnia #DidiAwareness
#RoadSafety #DontDrinkAndDrive
#RememberZinnia #10YearsAndCounting
