ORANJESTAD – Dialuna, Minister di Husticia y Asuntonan Social sr. Rocco Tjon, a reuni cu e ekipo multidisciplinario di expertonan for di Instituto Pedagogico Arubano y Vrije Universiteit Amsterdam, kende a percura pa encuesta hobennan a traves di un lista di pregunta. E preguntanan aki ta enfoka riba e contexto escolar, esun di bario, esun di cas y por ultimo nan bienestar fisico y mental.
Pa haci e investigacion mas completo a papia tambe cu mayornan, directivanan, maestronan y trahadonan social, den tur e diferente districtonan. Riba nos peticion a inclui tambe recomendacionnan specifico pa por duna un respuesta na e hayasgonan di e investigacion. E recomendacionnan aki lo wordo presenta dentro di poco na conseho di Minister.
Ya caba den presupuesto 2025 tin fondonan adicional aloca pa e sector social, y nos lo boga pa esaki keda asina tambe pa di e forma ey e recomendacionnan concreto por wordo realisa.
Nos ta gradici henter e ekipo cu a haci e investigacion aki, cu ta hopi importante pa e futuro di Aruba, un realidad.