Caya Papa Juan Pablo II – Diasabra anochi bisiña nan a scucha grito di ” ayuda” saliendo di un adres y alabes a scucha “golpi ta cay”. Mesora a avisa polis.
Tawata den careda di 10’or di anochi cu polis a wordo pidi cu urgencia pa un adres den ex Rondweg, unda un homber ta maltrando su pareha cu recientemente a haya yiu.
Segun nos a compronde, durante oranan mas trempan tawata tin un fiesta. Basta despues cu tur hende a bay e homber a cuminsa e problema cu su pareha, prohibiendo e di bay cerce e baby di 1 luna.
Pafo di e cas e la cuminsa maltrat’e fisicamente y verbalmente.
Dos patruya a presenta y a topa cu e dama y hunto nan a bay paden, despues di a papia cu e homber a bay over na detene. Un di e patruyanan mes a bay cu ne.
Na final hunto cu polis, e dama a piki tur cos cu e tin y hunto cu su baby a bandona e cas.
Instancianan concerni a wordo poni na altura.
