Stichting Monumentenfonds Aruba, Biblioteca Nacional Aruba, Archivo Nacional Aruba, UNOCA, y Wikimedia Nederland ta anuncia cu orguyo e comienso di e proyecto “Wikipedia on Aruba | Aruba on Wikipedia”. E iniciativa innovativo aki lo duna un boost na e contenido tocante herencia y cultura Arubano riba Wikipedia y otro plataforma di Wikimedia, cu ta habri e porta pa un publico global por haya acceso na e historia rico di e isla.
E proyecto lo inicia na januari y lo tin un duracion di 18 luna. E iniciativa lo fortifica e participacion di organisacion, maestro y miembronan di comunidat Arubano na e plataforma di Wikimedia, manera e famoso enciclopedia Wikipedia, e biblioteca di media Wikimedia Commons y e database Wikidata. Esaki lo promove mas conscientisacion y aprecio pa e identidad cultural unico di Aruba.
E proyecto a ser desaroya door di Wikimedia Nederland den colaboracion cu e partnernan di Aruba y a bira posibel danki na e sosten financiero di Fonds Cultuurparticipatie.
Nombramiento importante: Wikimedian in Residence & Coordinador di Proyecto – Outreach & Organisacion
Dos profesional Arubano, hoben y cu hopi entusiasmo lo ta encarga pa maneha e proyecto aki:
- Wikimedian in Residence (WiR): E WiR, Jeanelij Quandt, lo lidera e proyecto, controla e ehecucion di esaki, maneha e partnership cu organisacionnan di patrimonio y promove participacion di comunidad. Tambe lo duna entrenamento practico y yuda e participantenan pa crea contenido pa Wikipedia, manera articulo, potret y dato relaciona cu historia y cultura di Aruba. Esaki ta prome biaha cu tin un persona apunta como Wikimedian in Residence den Caribe.
- Coordinador di Proyecto – Outreach y Organisacion: E coordinador di proyecto, Ricardo Arends, lo asisti e WiR ku plan di logistica, campañanan di alcanse y coordinacion di evento-nan. E lo hunga un rol importante den envolve institucionnan Arubano, boluntarionan y e comunidad, sigurando e ehecucion di tayernan, edit-a-thons, y actividadnan promocional.
Puntonan di programa:
E proyecto ta conta cu un serie di actividadnan cu ta inclui:
- Tayernan di entrenamento: Educa boluntarionan local, studiantenan y institutonan cultural riba edicion di Wikipedia y creacion di contenido y con pa comparti imagen i dato.
- Retonan pa comunidad: Inspira contribucion creativo pa medio di concursonan di fotografia edit-a-thons cu enfoke riba skirbimento na Papiamento.
- Campañanan di herencia: Organisa participacion di Aruba den campañanan global di Wikimedia manera competencia di fotografia di Wiki Loves Monuments.
- Donacion di contenido y desaroyo: Mehora e Wikipedia na Papiamento y enrikece Wikimedia Commons cu material autentico di Aruba.
Impacto spera:
E iniciativa kier logra varios meta a largo plaso:
- Un presencia digital multilingual internacional mas fuerte pa herencia cultural di Aruba.
- Mas participacion di comunidad den conserva y comparti historia local riba Wikimedia.
- Mehora colaboracion entre rednan di conocemento local y internacional.
- Oportunidatnan nobo pa reinterpretacion creativo di fuentenan cultural, manera exposicionnan i appnan.
Join e trayecto:
E proyecto “Wikipedia on Aruba | Aruba on Wikipedia” ta invita tur Arubiano, biba na Aruba of den exterior, pa aporta na e iniciativa emocionante aki. Sea bo ta un studiante, un profesional of un entusiasta di historia, tin diferente manera pa bo por participa. Hunto, ban pone Aruba riba mapa – e mapa digital di conocemento habri!
Den e di dos siman di februari lo organisa un evento di kick off inspirativo pa e proyecto. Pa pre-registracion, por wak e formulario riba e website di e proyecto: https://meta.wikimedia.org/wiki/Wikipedia_on_Aruba.