Riba Dia di Santa Cecilia, Dia di tur Musico:
Departamento di Cultura Aruba ta contento y orguyoso pa a forma parti hunto cu Ministerio di Cultura den e Proyecto di Reconocimento Baluartenan di E evento a habri cu palabra di drs. Siegfried Dumfries, Director di Departamento di Cultura, Cah’i Orgel, un actividad dedica na celebra y honra e esfuerso di baluartenan cu ta preserva nos herencia musical y folklorico.
Riba Dia di Musico, conoci como Dia di Santa Cecilia, un evento cultural special a tuma lugar na Fort Zoutman, unda baluartenan di Cah’i Orgel, nan famianan, y nan instrumento iconico a wordo reconoci pa nan contribucion pa mantene nos tradicion musical bibo.
Un Noche di Historia y Tradicion
kende a expresa su gratitud na un y tur cu ta sostene y promove nos herencia musikal. Dumfries a resalta e importancia di mantene e tradicion di Cah’i Orgel bibo pa un Aruba cu ta nos orguyo cultural.
Siguiendo, Sr. Arthur Kelly a elabora riba e historia di Cah’i Orgel na Aruba, mientras cu Sr. Elias Halabi a splica e proceso detaya di traha e instrumento unico aki. Ademas, Sr. Ferdinand Franca a guia un presentacion di bailenan folklorico, mientras cu un poema dedica na Cah’i Orgel a wordo declama pa e hoben Tai Kong Trimon cual a pone acerca un toke artistico na e celebracion.
Un Reconcomiento na Baluartenan y Instrumentonan Historico
Minister Maduro di Cultura den su discurso a destaca su compromiso pa reconoce y honra baluartenan y cahanan di mas di un siglo, como:
- El Porfiado (119 aña)
- El Negrito Maldito (118 aña)
- El Diamante (109 aña)
- El Trovador (104 aña)
- Mi Deseo (116 aña)
Baluartenan di Caha di Orgel
Durante e evento aki baluartenan prominente di nos musica di Caha di Orgel Sr. Elias Halabi, Sr. Juan Curiel, Sr. Nelson Tiel, Sr. Denny “Den” Thijzen, Sr. Reginald ‘Nai’ Felicia, Simon “Chomi” Boekhoudt y Sr. Ruben Boekhoudt a wordo destaca pa nan dedicacion excepcional na e arte di Cah’i Orgel.
Motivando e Proximo Generacion
Reconocimento di Estimulo tabata dedica na hoben talento como Igmar Maduro, Joangelo Geerman y Peterangelo Ras, cu ta demostra pasion pa preserva nos herencia musical y inspirando un futuro prometedor pa e tradicion aki.
Un Mensahe di Gratitud y Esperansa
Departamento di Cultura Aruba di su banda ta gradici di curazon tur esnan cu a asisti y honra e evento special aki. Un masha danki especial ta bay pa Sr. Randy Maduro, kende a guia e celebracion na un manera profesonal como maestro di ceremonia. E evento aki ta un prueba di e amor y orguyo di Aruba pa su historia musical y e pasion pa sigura un legado fuerte pa futuro generacionnan.
