CUERPO POLICIAL ARUBA ta informa A DETENE UN HOMBER PA PURBA PASA COCAINA NA AEROPUERTO

Den oranan di awetardi un hende homber di inicial nan R.A..D. di 32 aña di edad naci na Korsou a bay purba pasa droga na aeropuerto internacional Reina Beatrix. Aki ta unda cu ela wordo gara y deteni prome cu a subi abordo di avion.
E agentenan investigativo di UNIT NARCOTICA a detene e persona encuestion pa mas investigacion. Ela purba pasa un cantidad cuantioso di cocaina prome cu bandona Aruba.
E caso aki ta den pleno investigacion y NO ta descarta cu tin mas detencion na caminda.
Unit Narcotica (antes Drugspanden) ta un team cu a wordo lanta desde 1 augustus 2023 pa entre otro pa investiga bendemento di droga for di un percela y ariba caya etc.
Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey nos ta pidi si bo tin cualkier informacion yama nos tiplijn di Polis cu ta: 11141. Nos ta garantisa cu bo ta keda anonimo.