25
Avenida Nelson O.Oduber – Diabierna merdia polis di trafico y di Noord a bay ariba e caminda di Avenida Nelson O.Oduber direccion nort. Eynan un auto a bolter.
Na yegada polis a topa cu e chauffeur, cu tawata ok. E la conta polis cu e tawata bayendo nort, durante cu e la perde control ariba e vehiculo y bay termina memey den e greppel. Caminda muha y basta awa ariba caminda posiblemente a hunga un rol.
Rapidresponder di Imsan a presenta, pero manera nos a bisa na cuminsamento e chauffeur a sali ok for di e auto.
Polis di trafico a tuma datos y despues takelwagen mester a lanta e auto y bay cu ne.
