Home » Numeracion di lista y Asignacion di color

Numeracion di lista y Asignacion di color

by Admin
0 comments 98 views

 

 

Oranjestad, 14 di november, 2024 Un sesion publico a tuma luga ayera, 13 di November 2024 na Registro Civil y Censo unda cu President Sr. Rossi Marchena di Hoofdstembureau a informa cu lo haci numeracion por medio di lot y asigna color na e lista nan valido di candidatonan di partidonan politico. 

Hoofdstembureau a declara diesun (11) lista di candidatonan di partidonan politico valido dia 8 di November 2024 y a mantene e candidatonan riba e respectivo listanan pa cu eleccion di parlamento diabierna 6 december, 2024. 

No tawata tin apelacion despues di a declara e listanan valido y asina por a sigui cu e procedura pa numera e listanan por medio di lot y asigna color. 

Durante e sesion publico Hoofdstembureau mester a saca e number di lot pa cinco (5) di e diesun (11) partidonan participante cu NO a presenta pa participa den e lot pa e numeracion y asignacion di color di e lista nan. E partido nan aki ta; LpR, MEP, Partido HTC, PPA y RED. 

Partidonan politico por a kies nan color di preferencia entre; bruin, lichtblauw, donkerblauw, geel, groen, lichtgrijs, donkergrijs, oranje, lichtoranje, rood, roze, lichtroze, magenta, lichtpaars, donkerpaars, kaki, wit y olijfgroen. 

Na final e secuencia di e lista ta como lo siguiente: 

  1. Partido MAS – Color Lichtblauw
  2. Partido PPA – Color Oranje
  3. Partido RAIZ – Color Lichtoranje
  4. Partido HTC – Color Lichtroze
  5. Partido CURPA – Color Donkerpaars
  6. Partido Futuro – Color Magenta
  7. Partido LpR – Color Rood
  8. Partido RED – Color Wit
  9. Partido ACCION21 – Color Donkerblauw
  10. Partido MEP – Color Geel
  11. Partido AVP – Color Groen

Pa mas informacion, bishita e website oficial di Conseho Electoral Aruba na er.aw y sigui nan na Facebook y Instagram @consehoelectoralaruba. E plataforma nan lo sirbi como un recurso importante pa votadonan, partidonan politico y publico general, pa keda al dia cu anuncionan, fecha nan y guia relevante pa e eleccion di Aruba.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio