Accidente fatal na Bushiri, esaki ta e di 10 morto den trafico pa 2024

Bushiri: Dialuna mainta den careda di 5’or a sosode un accidente fatal riba e caminda Avenida Watty Vos na altura di e rotonde di Bushiri. 

Un Nissan Tiida color cora biniendo di pabou, cu probablemente velocidad halto. E chauffeur pa un of otro motibo no a controla su velocidad na tempo y a dal straight contra e rotonde.

Cu hopi urgencia a pidi pa presencia di polis, ambulance y brandweer, pero na yegada a constata cu e chauffeur no tabata duna señal di bida mas, e impacto tabata asinta fuerte cu e chauffeur a fayece mesora na e sitio.

Autoridad ta na e sitio y tin e caminda cera . Nos ta keda en espera di informacion oficial di vocero di polis.