Ariba 20 di november na aña 1999 tawata e prome biaha cu un mucha aki na Aruba a tuma un telefon, marca e number 131. y a ricibi informacion, sosten emocional y/ of conseho di 131. Ariba dia 20 di november, cu ta tambe dia Internacional di derecho di mucha, 131 ta celebra 25 aña di existencia.
De cuadro di e celebracion di dia Internacional di derecho di mucha y 25 aña di existencia di 131, 131 conhuntamente cu MetaCorp ta organisa ariba 20 di November Get the Message.
Na momento cu un persona sa su derecho, e sa tambe cu un otro persona tambe tin derecho. E sa cu su derecho ta caba caminda esun di un otro ta cuminsa. Pa medio di conocemento tocante di derecho, e ta siña di respeta, yuda y biba den harmonia cu otro personanan.
Pa medio di Get the Message alumnonan di scol basico y scol secundario ta ricibi conocemento tocante derecho. Ariba dia 20 di november binidero e alumnonan di klasnan 5 y 6 di St. Rosa College, Colegio Felipe B. Tromp , Graf von Zinzendorf School, y alumnonan di klasnan 1 y 2 di Maria College Mavo, Ceque College Mavo y SOAZA, lo mira, analysa y dialoga tocante diferente short movie cu ta trata diferente derecho di mucha. Nan lo elabora ariba diferente derecho di mucha y analysa e situacion actual tocante e derecho akin a Aruba. Algun di e derechonan cu lo ser trata ta: articulo 1, 3, 5, 9, 12, 13, 18, 19, 28 etc.
MetaCorp ta haya di sumo importancia pa celebra di dia aki y inverti hunto cu 131 den conocemento di nos muchanan. Get the Message lo tuma lugar ariba dia 20 di november di 8:30 am pa 12:30 pm na The Movies @ Gloria. Tambe e alumnonan lo ricibi un treat ariba e dia aki for di MetaCorp.
Prome cu 20 di november, e alumnonan di e scolnan cu ta participando na Get the Message a ricibi workshop tocante derecho di mucha.
131 kier a gradici MetaCorp y su otro partnernan cu ta tuma nan impacto social na serio y ta inverti den e muchanan y hobenan di Aruba. Un gradicimento ta bay na MetaCorp, Setar N.V. Aruba Airport Authority N.V. y The Salamander Group cu ta haci hopi trabao di 131 posibel.
Pa mas informacion tocante Get the Message por tuma contacto cu 131 via nos website: 131.aw, facebook: https://www.facebook.com/aruba.131/, email: [email protected] of telefon 5886138/ 5884011.