Palm Beach, Aruba – Aruba Marriott Resort & Stellaris Casino ta orguyoso di anuncia cu su Complex General Manager, Raoul Lemmerling, a wordo honra cu e titulo prestigioso di “General Manager of The Year” pa 2023. E reconocemento aki ta refleha Raoul su liderazgo cu ta sobresali, su compromiso pa excelencia, y su dedicacion na ambos nos huesped y
asociadonan.
Mr. Lemmerling ta e Complex General Manager di Marriott International su compleho di mas importante den e region, caminda e ta atende cu dos di e Marriott Vacation Club resorts nan mas grandi di e region. Bou di Mr. Lemmerling’s su liderazgo, 2023 tabata un aña historico pa Aruba Marriott Resort, cu un record den ganashi, caminda a sobresali cu un crecemento di 2.9% compara cu presupuesta.
Raoul su vision strategico no solamente a sigura un actuacion fuerte financieramente, sino tambe a forma un lugar di trabou inclusivo cu un ambiente caminda tur asociado por contribui na e exito y bienestar di e hotel. Alabes, Mr. Lemmerling a defende cu exito e renobacion inovativo di Aruba Marriott Resort su propiedad, incluyendo algun di su restaurantnan y tambe Stellaris Casino.
“E premio aki ta un testament di e esfuersonan di nos asociadonan, cu por medio di nan dedicacion y pasion ta pusha e exito di nos hotel”, Mr. Lemmerling ta agrega. “Mi ta honra di por ricibi e reconocemento aki y comparti esaki cu e team completo di Aruba Marriott Resort. Hunto, nos a establece puntonan di referencia nobo den servicio conhuntamente cu posibilidadnan grandioso den ganashi.”
Raoul su focus ariba excelencia operacional, inovativo, y comunitario a yuda eleva Aruba Marriott Resort & Stellaris Casino como un destinacion di alto consideracion den Caribe, caminda e asociadonan a sa di duna nos huespednan un experencia inolvidavel mientras ta mantene nos standard halto den e area di hospitalidad y turismo.
Segun e compleho di Aruba Marriott Resort ta mira dilanti pa e futuro, Mr. Lemmerling ta mantene su mes dedica na sosteniendo e crecemento di e hotel por medio di continua di oferece inovacion entre no solamente e comodidadnan, sino tambe den e dedicacion pa desaroya e asociadonan.
Mas Di E Compleho Di Aruba Marriott Resort
Aruba Marriott Resort & Stellaris Casino ta conta cu 414 camber, Marriott’s Aruba Ocean Club cu 311 camber, y Marriott’s Aruba Surf Club cu 900 camber. E compleho di Aruba Marriott ta conta cu un famia di mas cu 1,450 asociado, marcando e compleho aki como esun mas grandi den e region, ambos den cantidad di camber como tambe den cantidad di asociado. Pa mas informacion, yama nos na +297.586.9000 of bishita nos website www.arubamarriott.com.
Conecta cu Aruba Marriott riba Facebook of Instagram: @Arubamarriott.
