Durante e weekend di 25-26 y 27 di Oktober, a tuma lugar e prome edicion di Mistletoe Pop Ups. na unda a crea un pop up Christmas Park, Cafe y Market. E evento a superá tur expectativa, treciendo cantidad di hende di tur edad hunto pa conecta y disfruta di un momento amento. Famianan, amigonan, i bishitantenan di tur edad a goza di entretenimento, artefacto, y cuminda di fin di anja den un ambiente inolvidabel.
E Mistletoe Christmas park organisá pa Mistletoe team, encabeza, sosteni y crea pa Spiritz y FCP, a ofrece un mercado amplio y magico di Pasco, musica relahante, bao di un cortina briyante di lus den naturalesa.
Mistletoe Christmas Park a surpasa e meta di cantidat di bishitante i a risibí feedback sumamente positivo di esnan ku a asistí.
Negoshi y artesanonan local a bin hunto pa creá un mercado auténtico di fiesta. E playgarden a brinda espacio pa muchanan hunga y pasa un momento agradabel
E prome christmas pop up cafe di Aruba a resulta den un exito rotundo na unda famianan a disfruta di e surtido di koffie, fresh sangria, specialty eggnog, y alabes crea bon recuerdonan hunto.
E team ta hopi satisfecho cu e cantidad di hende cu a asisti y cu e centenares di feedback positivo risibí for di e bishitantenan. E meta tabata pa creá un lugár caminda hende por drenta, y partisipa trankil na e alegria di e temporada, y experencia un ambiente unico. Team Mistletoe ta orguyoso cu a logra esaki y ta premira cu e ta bai bira un evento anual di comienzo di e temporada di fin di anja pa nos comunidad.
Debi na e éxito di e evento aki, e organisador y coordinador principal ta anunsiá plannan pa hasi di Mistletoe Christmas Park un tradishon anual, cu plannan pa expandé. Pa finalisa, e team completo ta manda un palabra di danki grandi na tur partner, vendor y e comunidad pa e sosten grandi ricibi.
Mistletoe Park, Cafe & Market ta un projecto cu a wordo sosteni financieramente pa Spiritz Therapy & Counseling y Fonds voor Cultuurparticipatie.
Pa mas informashon tocante Mistletoe Christmas Park y pa mantene bo na altura di eventonan den futuro, bishitá y like e fb page mistletoe pop ups of whatsapp 5662508.