Presidente di Parlamento, Raymond Kamperveen ta condena e weganan politico cu ta wordo hunga.
“Gobernacion ta algo serio, mescos ta e trabou di Parlamento” –
Awe mi kier a duna informacion como e presidente di Parlamento di Aruba tocante e ultimo desaroyonan pa lo cual ta un reunion publico cu a keda di wordo yama cu Minister President demisionario Evelyn Wever Croes.
E reunion aki a wordo pidi door di fraccionnan Accion21 y MAS ariba 29 di juli 2024 pa Minister President demisionario bin duna cuenta na Parlamento cu posibel metemento di su persona den Ministerio Publico.
Actualmente e presidente di Parlamento a dicidi di cambia tur e reunionnan publico pa reunionnan informativo (openbare bijeenkomst) , esaki durante e periodo cu gobierno ta demisionario, durante un reunion informativo no por entrega un mocion di desconfiansa mas. Segun Kamperveeen e la tuma e desicion aki pa mantene ordo den nos
Pais.
Mi a informa tur fraccion ariba 4 di october ultimo e dianan tentativo cu mi lo yama reunionnan publico, incluyendo esun aki. Desde cu mi a manda un invitacion pa Minister President demisionario hopi insinuacion, atake politico y personal y sensacion a tuma lugar. A tilda mi persona y fraccion di ta complice di un mocion di desconfiansa (sin base) y ta instiga pueblo politicamenta den un forma iresponsabel.
Como Presidente di Parlamento mi tin e deber di percura pa e seguridad di Parlamento completo. No por ta asina cu riba invitacion di Parlamento pa un Minister President demisionario bin duna cuenta na Parlamento e ta comporta di e manera aki. Niun Minister mester tin miedo of hunga victima y sigur no fomenta odio den comunidad ora Parlamento haci su
trabou.