Relaciona cu Conmemoracion di 80 aña cu Boy Ecury a ser fusila: Artistanan local TA organisa Exposicion “Libertad” NA MUSEO ARQUEOLOGICO

Dia 5 di november proximo lo tuma luga un exposicion di artistanan renombra  den cas maternal di Boy Ecury, awe Museo Arqueologico Nacional Aruba. Nos artistanan Giolina Henriquez, Vanessa Paulina, Suelyn Dankerlui y Lisa Olle-Salas lo expone obranan inspira riba e tema “Libertad”. E apertura lo ta dia 5 di november pa 7or y mey di anochi. Tambe lo por bay mira “short videos” relaciona cu Boy Ecury cual a ser produci pa Rebecca Roos. Un invitacion na un y tur pa asisti ne e exposicion cu lo ta habri pa un luna durante dia y tur hende ta bon bini pa bin experencia algo di nos historia.