Nos ta rondona pa cumindanan ultraprocesa, no solamente yen di salo, sucu, vet y otro ingredientenan cu no ta den un cushina tradishonal, pero cu nos no tin manera di elimina for di nos dietanan(alimentacion).
Esey ta loke e dokter britanico Chris van Tulleken ta argumenta, autor di e buki “Ultra Processed People”: dicon nos ta come cosnan cu no ta cuminda, y dicon nos no por stop di come nan”.
Segun van Tulleken, nos alimentacion ta domina pa e corporacionnan multinacional grandi cu, pa motibo comercial, no lo stop di produci y tampoco stop di promove cumindanan ultraprocesa.
Pa Van Tulleken, cuminda ultraprocesa mester ser trata manera sigaria.
“E industria indcstrianay di tabaco no ta solamente similar, nan ta e mesun cos”.
Ademas, e industrianan di “cuminda, alcohol, casino, combustibel fosil y medicamento ta goberna pa e mesun grupo”, e ta bisa. “Tur hende mester di un tipo di regulacion”.
¿Bo ta mira un diferencia den e manera con e empresanan di cuminda aki ta actua den paisnan rico y esnan pober?
E problema ta global, e ta sosode tur caminda. Mi ta duna bo un ehempel practico. Na 2016, e cadena di Pizza Domino’s a habri 1.281 tienda nobo, esta un cada shete ora, mayoria di nan pafo di Merca. Na e momentonan aki, India tin mas o menos 1.500 sucursal di Domino’s.
Den West Africa, nos ta mira e cresemento di Kentucky Fried Chicken (kfc) y otro cadenanan di fast food. Meskos ta sosodiendo na China.
Tur caminda mucha chikito ta consumiendo mas y mas formula di baby, cu ta malo pa su salud compara cu lechi materno.
E proyecto di e industria di cuminda ultraprocesa ta parce di ta destina pa destrui tur dieta tradicional. Na Italia, e luganan di koffie tradishonal a bira Starbucks y e pizzerianan a bira Pizza Hut. Mescos ta sosodiendo na Brazil, Inglatera, Merca.