Prepara pa drenta den ambiente di fin di aña cu e Mistletoe Christmas Park, Mistletoe Pop up Café y Mistletoe Christmas Market, cu lo habri e temporada aki, tresiendo alegria pa tur edad. E evento encantado aki lo habri su portanan pa público Diabierna 25 di Oktober, Diasabra 26 di Oktober y Diadoming 27 di Oktober na e Paradijs playgarden, transformando e lugar den un mundu di cuminda, diversion, arte y ambiente di pasco special.
Cana drenta den un parque iluminá cu decorashon y mata di pasco, y hasi un bishita na e Mistletoe Christmas Café, unda famianan por disfruta di un hot chocolate navideño, peppermint latte, sangria, turkey roll y mas delicianan, drentando asina den e espíritu di paz y alegria. Un lugar perfecto pa relaha y disfruta di musica tranquilizante di fin di aña.
Den aire liber lo tin e Mercado di Pasco, cu ta ofrece regalo traha man di Ivy, Resin Jewelry di Nashalin, Obra di man di Anna, Habon cu holor di Pasco di Solenne, Ponche Crema y Jam di Fayona, Poffertjes di Pofferdorie, Dulce de leche festivo di Christina, Bolo y cookies di Leonor, Cos dushi na granel di Mariana, Cocada di Lina, Art om Glasd di Jay, Cos di smaak di Marelva, regalonan di tienda Catolico di Mayra, Boñuelo di Sandra, Keshi Jena di Juliette, Johnny Cake di Metaki, Ham di Haime, Quesillo di Janijs, DIY ornaments di Duncan, Pintamento di cuadra cu Mateo y Stropi saludabel di Shirley.
Esaki ta un oportunidad unico pa shop bo decorashon di pasco di artisananonan local, disfruta di un bon hot chocolate y ta e oportunidad perfecto pa kumpra regalo di pasco, y alabes juda negoshinan chikíto den comunidat.: Durante e evento, bishitantenan lo por disfruta di musica relahante di Tracy, cu ta priminti di crea un ambiente unico.
Pa muchanan e speeltuin lo ta habri unda nan por diberti y hunga den un ambiente fresco y safe.
Un evento pa comunidad
E experiencia festivo aki ta organizá ku orguyo pa Team Mistletoe, cu apoyo financiero di Fonds voor cultuurparticipatie y Spiritz Therapy & Counseling. Nos meta ta pa creá espacio pa miembro di comunidat uni, celebrá y compartí alegria.
E Mistletoe Christmas Park, Café y Meracdo lo ta habri for di Diabierna 25 Oktober te cu Diadomingo 27 di Oktober 2024 di 7:00 – 11:00 pm.
Location : Caya Frere Bernardinus # 10 (net banda di Dyon Center na Paradijswijk): Entrada lo ta completamente gratis.
Pa mas informacion por WhatsApp y like nos facebook page.
https://www.facebook.com/mistletoe.popups
WhatsApp: 566-2508