Geriatria Jay Olshansky ta custuma na ricibi critica pa su opinionnan riba longevidad humano.
Decada pasa, e y su co-autornan a predica cu e muchanan, na promedio, lo biba solamente te cu 85 aña: solamente entre 1% y 5% di e poblacion por sobrevivi te cu nan ta 100 aña.
Olshansky a bisa cu hopi a sinti nan ofendi pa su golpi di realidad friu, ya cu nan a custuma na e prediccion cu 50% di e muchanan lo biba te cu 100 aña.
“Na 1990, nos a predici cu e aumento di speransa di bida lo baha, y cu e efectonan di intervencion medico, cu nos ta yama pleister, lo tin menos efecto riba speransa di bida”, Olshansky, profesor di Epidemiologia y Biostatistik na e School of Public Health di Universidad di Illinois na Chicago, a bisa.
“Hopi hende no tabata di acuerdo cu nos. Nan a bisa: ‘iNo, no, no! Avance den tecnologia medico y di prolongacion di bida lo acelera y cu esaki tambe e speransa di bida”, e la afirma.
Si nos no topa un manera pa regula envejecimento y nos ta usa solamente e toolbox cu nos tin awor, cu ta consisti di trata un malesa cada biaha, por ta nos no lo gusta loke nos ta mira den futuro. Nos por logra aumento den mehoracionnan di speransa di bida, pero tambe por aumenta fragilidad y discapacidad pasobra nos ta cambiando un grupo di malesa pa otro.
Corda, morto ta un wega di suma zero. Un cos ta baha y un cos ta subi, y e miedo ta cu nos lo reemplasa cancer y malesa cardio-vascular pa demencia, Alzheimer y otro problemanan di salud serio cu nos no por cambia actualmente. P’esey nos mester ta cuidadoso cu loke nos ta desea y cu loke nos ta produci den futuro, pasobra prolongacion di bida sin prolongacion di salud lo ta dañino.