Dialuna 14 di october ultimo Organo Ehecutivo AZV tabata tin e placer pa ricibi fisioterapista Clayton de Nobrega na oficina pa hunto firma e contracto na bienestar di e aseguradonan di AZV. Cu firmamento di e contracto aki, Organo Ehecutivo AZV ta amplia e lista di fisioterapista garantizando continuacion di terapia pa e pashentnan cu tin mester di esaki.
Estudio
Fisioterapista Clayton de Nobrega ta naci na Hulanda pero for di chikito a bin biba na Aruba. Su trayectoria escolar ta inclui Juliana School MAVO, Colegio Arubano HAVO y despues el a bay studia fisioterapia na Hogeschool Rotterdam. Cu su 35 aña e ta considera su mes un persona hopi dedica na yuda hende, tin un nivel di empathia y pasenshi hopi grandi, y ta pasiona di tur loke tin di haber cu e rehabilitacion di e hende muhe despues di parto.
Experiencia profesional
Su experiencia profesional, el a obtene e.o trahando na Fysico Rotterdam (Hulanda), Arubaanse Voetbalbond, Bitorina Physiotherapy, Fysiotherapiepraktijk Miko y Island Fysio Aruba. Cu su bon dominio di e idiomanan Papiamento, Hulandes, Ingles y Spaño, fisioterapista Clayton de Nobrega ta opina cu e lo por yuda hopi asegurado di AZV. Organo Ehecutivo AZV ta yama fisioterapista Clayton de Nobrega bon bini y ta desea su persona tur clase di exito.
Localidad
E adres di fisioterapista Clayton de Nobrega ta Venezuelastraat #22, Oranjestad y number di telefon ta 5821774 y pa WhatsApp 5629506.