E factor di riesgo di Stroke mas grandi ta e mesun den tur pais di mundo, y tambe e factor di riesgo di accidente cerebrovascular mas reverse.
Mientras tanto
victimanan di Stroke ta biba mas largo y ta sobrevivi mas, pero tambe ta birando mas jong.
Un estudio nobo den The Lancet Neurology ta revela cu mas hende rond mundo ta sobrevivi despues di un accidente cerebrovascular, sin aumento y hasta algun disminucion den Stroke entre adulto di mas di 70 aña, pero si un aumento den Stroke den adulto mas jong, particularmente den esnan bou di 55.
“Ta importante pa sa cu Stroke por sosode na tur edad”, Omgye Imoisili, medico di medicina interno y autor principal di e estudio di May di CDC, ta bisa.
Ken ta den mas riesgo di sufri un Stroke?
Un di cada 10 persona ta muri mundialmente door di Stroke, e di tres causa principal di morto mundialmente despues di malesa cardiaco y COVID-19 y e di cinco causa principal di morto na merca. Morto cardiovascular,
incluyendo Stroke, a baha durante e segundo mitar di siglo 20, pero e bahada a slow down y despues a flat line por completo na 2015, segun e analisis global.
E factornan di riesgo cu ta aumenta ta varia for di tasanan di obesidad cu ta oumenta te na temperaturanan mas haltu debi na cambio di klima, pero e faktor di riesgo mas importante ta e mesun den tur region di mundu: presion haltu, responsabel pa un tiki mas cu mitar di tur Stroke, segun e estudio di The Lancet.
Otro estudio publica luna pasa ariba JAMA Network Open a revela cu mas di mita di tur mericano cu presion arterial halto no sa cu nan tin hipertension, incluyendo 93 porciento di esnan entre 18 y 44 aña.
Afortunadamente, di tur e factornan di riesgo di Stroke, hipertension tambe ta un di e factornan mas facil pa controla y cambia.
Un presion arterial saludabel ta tur cos bou di 120/80, door haci un cambio den bo estilo di bida y medicamento.
No ta solamente hende cu tin presion di sanger halto ta na peliger. Valery Feigin, investigador di Stroke na Universidad di Auckland na New Zealand cu a dirigi e estudio global Lancet, ta bisa cu mayoria di accidente cerebrovascular y atake cardiaco ta tuma luga den personanan cu presion arterial moderadamente halto. Cada reduccion milimetrico di presion arterial sistolico (e numbernan ariba) na nivel di e poblacion ta asocia cu mas o menos 10 porciento
reduccion di incidencia di un Stroke.
Na nivel mundial, e contribucion di obesidad pa e riesgo di Stroke a aumenta cu 88 porciento desde 1990, aunke hipertension ta keda e factor di riesgo principal y ta representa 57 porciento
di Stroke rond mundo, segun e estudio Lancet.
Kiko tur esaki ta significa pa tratamento y prevencion
E conclusion di e resultadonan aki ta un combinacion, Schrag ta bisa. Mas hende ta sobrevivi un Stroke y ta biba mas largo danki na avancenan den cuido intensivo y rehabilitacion.
Prevencion ta e oportunidad grandi cu no ta wordo probecha. “Bo ta baha presion arterial awe y mañan bo ta baha e incidencia di un Stroke”, Feigin ta bisa . Y e gran mayoria di Stroke por wordo preveni, e ta agrega.
Pa algun hende, e prome paso ta pa compronde nan riesgo, sea pa estilo di bida of antecedente familiar, Richard Temes, neurologo Di Northwell Health Na New York, ta bisa.
Un cambio importante den estilo di bida pa reduci presion arterial ta reduci e consumo di sodio(SALO), Feigin ta bisa.
Cumindanan ultraprocesa ta e fuente di salo mas grandi den nos dietanan, e ta bisa.
Cambio den aspecto di estilo di bida por tin un efecto di domino positivo “Peso, hipertension, tiki actividad fisico, dieta: tur e factornan di estilo di bida aki ta interrelaciona”, e ta bisa. “Bo ta tuma un y bo ta hasi cambio positivo, y asina bo ta influencia e otronan .”
Imoisili ta di acuerdo:” ta importante pa baha e riesgo di Stroke door di tuma control di bo salud”, cu ta inclui tambe no huma, limita alcohol, controla colesterol y trata malesa cronico manera diabetes.