Sean “Diddy” Combs lo bai corte riba cargonan di trafico sexsual y crimen organisa na mei 2025. E la declara su inocencia di tur acusacion memey di un cantidad di acusacionnan impactante.
Fiscalnan federal ta bisa cu Sean “Diddy” Combs no tin salida. Aki por mira cu nan a traha un caso solido contra Combs, investiga pa añanan largo si cu e tawata sa.
E fundador di Bad Boy Records a declara su mes inocente di un cargo cada un di conspiracion di crimen organisa y trafico sexual, cada un di nan cu un sentencia maximo di life in prison(bida largo), y tambe un cargo di
transporte cu e proposito di prostitucion.
Pero autoridadnan a bisa cu Combs
aresta september 16 tabata solamente e ultimo paso den su buskeda pa hiba e homber di 54 aña dilanti husticia pa mas di un decada di presunto delito, y cu su investigacion ta hopi leu di a caba.
“Entre mas o menos 2008 y e
presente, Combs a maltratá, menasa y a obliga e victimanan pa cumpli cu su deseonan sexual, proteha su reputacion y sconde su conducta’, Damian Williams,U.S. Attorney for the
Southern District of New York, a bisa detayadamente e cargonan contra e rapper durante di un press conference september 17.
Combs ta ser acusa, Williams a bisa, di a usa un red grandi di empleadonan den su imperio empresarial y otro asociadonan pa tapa delitonan cu ta inclui trafico sexual, trabounan forsa, secuestro, candelanan provoca, soborno y obstruccion di husticia.
“E acusacion formal ta sospecha cu Combs a abusa y explota hende muhe y otro personanan pa añanan y den diferente manera”, e fiscal a continua, usando “forsa, menasanan di forsa y intimidacion pa asina pone e victimanan participa den actonan sexual prolonga cu prostitutonan masculino.
E meeting ney aki tawata conoci den e mundo di Combs como” freak-offs”, ‘ acusacionnan cu e ta wordo sospecha di dje. Tin biaha nan tabata dura dianan, Williams a bisa, y hopi biaha nan tabata envolvi Combs distribuyendo droga cu tabata inclui ketamina, ecstasy y GHB pa mantene e victimanan ” obediente y manehabel”.
Abogado di Combs, Marc Agnifilo, a califica su cliente como un “persona imperfecto” pero “no criminal”, e la bisa den un comunicado den contesta na e cargonan cu tabata “decepcionante” pa e decision di sigui cu un “huicio inhusto”.
Agnifilo a enfatisa cu Combs a coopera te awor, asta viahando pa New York den anticipacion di ser acusa. “Por fabor, reserva bo opnion te ora bo tin tur echo”, e abogado a agrega. “Esaki ta e actonan di un homber inocente sin nada pa sconde, y ta spera di limpia su nomber den corte”.