Paradera – Diabierna anochi algo prome cu 10’or y mey polis y ambulance a bay ANYTIME bar restaurant na Paradera, pa un caso di hincamento.
Varios unidad policial a yega e adres y altura di e baki mata a bin haya un persona herida, tawata trata di un hende homber.
Ta mustra cu e la wordo corta/hinca na su brasa drechi. E incidente lo a tuma luga den e entrada parti pafo di e bar restaurant.
Na e sitio nos por a capta algun informacion, unda cu ta papia di un debe di placa. A papia di un suma di ariba 10 mil florin.
E agresor despues di e bringamento a bandona e sitio den su Honda Fit color preto.
Un dama cu ta pareha di e victima a keda na e sitio y tawata bisa polis mas o menos kiko a sosode.
Despues di algun minuut ambulance a presenta y a hiba e homber Hospitaal, debi cu e la sufri un herida basta serio na brasa.
A pidi department tecnico di polis pa yega e sitio y asina compila evidencia di locual a pasa. Durante cu e agente di e departamento tecnico tawata haciendo su trabou, e agresor a presenta bek na e sitio.
Ta mustra cu e la bolbe pa duna banda di medaya y eynan ta unda cu polis a bay over na detene mesora.
Por a mira cu e tambe a resulta herida na su man cu tawata sangra.
Transportwagen a wordo pidi y na su yegada a tum’e over unda cu e la wordo hiba warda di Shaba; pa ser presenta dilanti Sub Fiscal.
