Aruba Fashion Week ta celebra su di 5 aniversario

Oranjestad (4 di october 2024) — Di 28 di november pa 1 di december 2024, Aruba y Ritz Carlton, Aruba, lo ta e epicentro di moda, lifestyle , glamour, bienestar y comercio. E evento aki di cuater dia ta priminti di destaca diseñador, modelo y marca local como internacional, poniendo Aruba como un destino top pa moda, cultura y negoshi.
Aspecto cu ta destaca durante Aruba Fashion Week 2024:
Desfile di Moda: Disfruta di desfile tur dia cu ta presenta e ultimo coleccion di diseñador local, mescos cu diseñador di renombre mundial y marca di moda internacional.
Oportunidad di Networking: Interaccion comercial entre diseñador, cumprado y experto di e industria, fomentando un intercambio global di idea, innovacion den moda, visibilidad y comercio.
Eventonan Exclusivo: Reunion VIP, after-parties y eventonan special di e industria cu ta conecta influencers global di moda, representante di medio e inversionista.
Experiencia Cultural: Un muestra di e mescla unico di cultura Caribeño y Latino di Aruba a traves di moda, cuminda y entretenimento, ofreciendo asistentenan un experiencia holistico di e isla.
Biba Aruba como destino.
Aruba Fashion Week no ta djis un plataforma pa talento creativo, pero tambe ta hunga un papel importante den e promocion di Aruba como un destino turistico premium. Asistentenan por disfruta di e beachnan bunita di e isla, hospedahe luhoso y un cultura vibrante, loke ta haci di e evento aki e scenario perfecto pa un espectaculo glamoroso di moda.
Fuera di su impacto cultural, Aruba Fashion Week tin como obhetivo crea un ambiente comercial atractivo cu ta fomenta inversion stranhero den e mercado di Aruba. Combinando mundo di moda, turismo y negoshi, e evento ta accentua e compromiso di e isla cu e crecemento economico y participacion global. Cu su ubicacion privilegia y conexion internacional, Aruba ta sigui construi un plataforma dinamico pa entrepreneurs y inversion.
Join Nos
Ta parti di Aruba Fashion Week 2024 y biba e futuro di moda den un di e destinonan mas impresionante di mundo. Busca bo entrada individual of weekend pass awor mes online na Eventbrite of yamando 748-7016.
Tocante Aruba Fashion Week
For di su creacion na 2020, Aruba Fashion Week a converti den un evento lider di moda den e region, promoviendo Aruba como un centro de moda y cultura den Caribe. Aruba Fashion Week ta atrae e diseñadornan top, modelo, influencers y profesional di e industria rond mundo, ubicando e isla ainda mas como un mercado innovativo y prospero pa loke ta lifestyle, moda, luho, bienestar y turismo di nivel halto.