Amersfoort, Hulanda.
Dialuna den un accidente fatal 3 homber hoben (21, 25 y 27) ta perde nan bida. E homber di 27 aña ta un hoben arubiano cu ta bibando na Hulanda. Ta trata di Wesley Maduro.
Segun famia a pone riba medionan social cu e la laga un yiu di apenas 2 luna atras y cu e tabata planea di bin Aruba na december pa pasa vakantie cerca su famia.
Dialuna den careda di 1 or y mey di marduga, un auto riba stadsring, ta perde control baha caminda y ta cay den awa.
Un patruya di polis cu a pasa riba e caminda aki a ripara cu tin un marca di brake y restonan di auto benta riba y bandi caminda.
Nan a mira e auto benta den awa y mesora a bati alarma. Hopi lihe un team di rescate a yega na e sitio, a saca e tres hobennan for di e auto y a cuminsa reanima e victimanan.
Lamentabelmente no por a haci nada mas pa e tres hobennan aki, nan a fayece.
Segun polis nan ta investigando kiko por tabata e causa di e accidente.
Polisnan ta pidi esnan cu por a scucha of mira algo di e accidente lamentabel aki pa please contact polis mesora.
