Algun pasahero di Delta Air Lines ta recuperando despues cu un problema di presion den cabina riba un vuelo for di Salt Lake City, Utah, Pa Portland, Oregon, a causa hemorragia nasal y di horea, segun declaracionnan di e aerolinea y e pasaheronan mes.
Un pasahero a conta un noticiero local, unda e kiermen e la sinti manera un hende tawata hincando algo skerpi den su horea.
E dama a sigui conta cu despues e la sinti manera su horea “pop” door di e presion cu a cambia den e cabina.
“Ma tene mi horea y despues ora ma wak mi mannan e tawata na sanger”, e la conta e stacion local di noticia.
Despues di un diagnosis; e la wordo bisa cu e la kibra e drum di su horea.
“Nos ta pidi nos clientenan un disculpa sincero pa locual nan a experencia riba vuelo 1203 riba 15 di september”, un vocero di Delta a bisa den un comunicado. “E tripulacion di vuelo a sigui e procedimentonan pa bolbe Salt Lake City, unda nos teamnan na tera a yuda nos clientenan cu nan necesidadnan inmediato”, e la agrega.