Nieuwstraat, Oranjestad: Diadomingo den careda di 6’or y mey di atardi, habitantenan di Nieuwstraat ta mira un persona den un Nissan March, yega para e auto baha cu dos pitbull, e persona a maranan na un palo di lus y a subi auto laganan atras. Un situacion hopi tristo pa e dos cachonan cu no tabata sa kiko ta pasando cu nan. E habitantenan a coy e number di auto y a yama polis, mirando cu esaki ta un abuso di bestia.
Polis mesora a bay na e sitio y a bin topa cu e dos pitbulnan, despues di un rato un homber a aparece y a bin busca e dos cachonan back, aparentemente ta un miembro di famia di e homber aki lo a haci esaki cu e dos pitbullnan.
Despues cu e homber a bay cu e cachonan, polis a sigui su caminda, e motibo pakiko e persona no tabata kier e cachonan mas no ta conoci, pero sigur bandona nan mara na un palo di lus, ta abuso di bestia. Pesey ora un persona dicidi di adopta un cacho, e mester ta sigur, cu e ta capas di trat’e bon, dune cuminda y e debido atencion cu un mascota merece.
