San Nicolas – Diabierna mainta den careda di 7’or Kustwacht di Aruba ta localisa 2 curpa, strit pariba di e Anker. Famia a bati alarma cerca Kustwacht debi cu nan no a regresa tera.
Diaranson ultimo e dos hombernan aki a subi lama pa pisca altura di e molinan di biento.
Segun informacion oficial; e boto a desaparece for di radar manera nan a lanta anker. Ey ta unda e investigacion di e caso aki lo tin di tuma luga y ta den man di Kustwacht.
Locual ta haci e caso aki un “poco” mas straño ta cu e boto no a wordo haya, pero si algun cos cu tawata den e boto. A wordo haya e plastic cu nan ta suppose di tin nan cellular den dje; pero e cellular/nan mes no tawata den nan.
Dokter forensico tambe tawata na e sitio unda cu ambos curpa a wordo tuma den beslag. Autopsia lo mester determina kiko a sosode e delaster minuutnan di e piscadonan.
Ta trata di Rudolf Giovanni Marin 1 Nov 63
Derwin D J Ponson 9 sep 91, Derwin lo a cumpli anja otro siman.
Na e sitio un cantidad grandi di amistades y famia a presenta pa pone nan mes na altura di e sucedido tragico aki.
